इमाडोलमा चार तला माथिबाट हामफाल्दा महिलाको ज्यान गयो, अचेत भेटिएका दुई बच्चाको मृत्यु

ललितपुरको इमाडोलस्थित एक घरबाट हामफालेकी महिलाको ज्यान गएको छ भने सोही घरमा अचेत अवस्थामा फेला परेका दुई बच्चाको पनि मृत्यु भएको छ।

शनिबार अपराह्न महालक्ष्मी नगरपालिका-४ इमाडोलस्थित ओचुहाइटको एक घरमा अचेत अवस्थामा फेला परेका दुई बच्चाको मृत्यु भएको जिल्ला प्रहरी परिसर ललितपुरले जनाएको छ। ६ वर्षीय बालक र दुई वर्षीया बालिकाको मृत्यु भएको हो।