दिल्लीमा महत्वपूर्ण सम्झौता गरेर खानेपानीमन्त्री यादव स्वदेश फिर्ता

काठमाडौं । खानेपानीमन्त्री प्रदीप यादव भारतको तीन दिने औपचारिक भ्रमण पूरा गरी स्वदेश फिर्ता भएका छन् । भारतको राजधानी नयाँदिल्लीमा आयोजित खानेपानी, सरसफाइ तथा स्वच्छता (वास) क्षेत्रको विकाससम्बन्धी समझदारीपत्रमा हस्ताक्षर कार्यक्रममा सहभागी हुन मन्त्री यादव गएको शनिबार त्यसतर्फ गएका थिए ।

नयाँदिल्लीमा सोमबार आयोजित एक विशेष कार्यक्रमबीच खानेपानी, सरसफाई तथा स्वच्छता क्षेत्रको विकाससम्बन्धी महत्वपूर्ण समझदारीपत्रमा मन्त्री यादव तथा भारत सरकारका जलशक्तिमन्त्री सिआर पाटीलले हस्ताक्षर गरे ।