प्याडमा कर, वितरण निःशुल्क

नेपालमा ३५ देखि ४० ओटा साना, ठूला उद्योगले महिलाहरूको स्वास्थ्यलाई ध्यानमा राखी प्याड उत्पादन गर्दै आएका छन् । नेपालमा उत्पादन हुने प्याडमा पनि विदेशबाट आयातित कच्चा पदार्थ प्रयोग हुने गरेको छ । नेपालमा विदेशबाट पनि प्याड आयात हुने गरेको छ । भन्सार विभागका अनुसार नेपालमा भारत, चीन, हङकङ, डेनमार्क, फिलिपिन्स, ताइवान, बेलायत, अमेरिका, फ्रान्स, जर्मनी, अस्ट्रेलिया, साउदी अरब, मलेशिया, टर्की, भियतनाम, जापान, स्पेन, पोल्यान्डबाट प्याड आयात हुने गरेको छ । सामान्यतया बजारमा यसको मूल्य ६० रुपैयाँभन्दा माथि हुने गरेको छ । मूल्यका कारण पनि कतिपय महिलाले बजारबाट प्याड किनेर प्रयोग गर्दैनन् भने गाउँका कतिपय महिलाको पहुँचमा नै पुग्दैन ।

सामुदायिक विद्यालयमा अध्ययनरत छात्राको तथ्यांक संकलन गरी सोही आधारमा हरेक स्थानीय तहलाई सेनेटरी प्याड किन्न अर्थ मन्त्रालयले आवश्यक बजेट उपलब्ध गराउँछ ।