‘महानायक’ सम्बोधनले किन आत्तिन्थे दीपकराज गिरी ?

के तपाईंलाई कुनै शब्दले तर्साएको अनुभव छ ? सम्भवतः यो दुर्लभ प्रश्न हो । किनभने मान्छेहरू शब्दसँग खासै आत्तिने वा डराउने गर्दैनन् । तर, अभिनेता दीपकराज गिरीको हकमा भने कुरा फरक छ ।

उनलाई एकदमै अत्याउने एउटा शब्द छ, ‘महानायक’ । अहिले त होइन, तर केही वर्षअघिसम्म जब कसैले ‘महानायक’ भनी सम्बोधन गर्थे, तब दीपकराज गिरीको दिमाग नै हल्लिन्थ्यो । मनमा भूकम्प आउँथ्यो । उनलाई त ज्वरो नै आउला जस्तो हुन्थ्यो ।