फिफा विश्वकप २०२६ ब्राकेट : ठूला टिम समूह विजेता बने क्वाटरफाइनलपछि मात्र हुनेछ भेट

२७ जेठ, काठमाडौं । विश्वकप फुटबल फेरि उत्तर अमेरिका फर्किएको छ । उत्तर अमेरिकाको तीन राष्ट्र मिलेर २१औं शताब्दीमा पहिलो पटक फिफा विश्वकप २०२६ आयोजना गर्दैछन् । विश्व फुटबलको महाकुम्भको २३औं संस्करण सुरु हुन अब एक दिन मात्र बाँकी छ ।

अहिले सारा विश्वभरको फुटबल समर्थकदेखि खेल समर्थकको ध्यान उतै अमेरिका, मेक्सिको र क्यानडातिरै छ । मेक्सिकोले ४२ वर्षपछि र अमेरिकाले ३२ वर्षपछि फिफा विश्वकप आयोजना गर्न लागेका हुन् भने क्यानडा पहिलो पटक विश्वकप आयोजक बन्दैछ ।