दसैँ अवधिमा अन्नपूर्ण पदमार्गमा ५ हजार भन्दा बढि विदेशी पर्यटक

काठमाडौं – दसैँ अवधिमा अन्नपूर्ण चक्रीय पदमार्गमा विदेशी पर्यटकको आगमन उल्लेख्य बढेको छ । यस वर्ष घटस्थापनादेखि कोजाग्रत पूर्णिमासम्म पाँच हजार ३८४ विदेशी पर्यटकले उक्त पदमार्गको भ्रमण गरेका छन् । यो सङ्ख्या गत वर्षको सोही अवधिको तुलनामा झन्डै दोब्बर हो ।

अन्नपूर्ण संरक्षण क्षेत्र आयोजना ९एक्याप० को धारापानीस्थित पर्यटक जाँच तथा सूचना केन्द्रका अनुसार गत वर्ष सोही अवधिमा दुई हजार ७५७ विदेशी पर्यटकले पदमार्गको भ्रमण गरेका थिए । यस वर्ष पर्यटकको सङ्ख्या दुई हजार ६२७ ले बढेको केन्द्रका प्रमुख भूपेन्द्र गुरुङले जानकारी दिए ।