अश्विन राउत आत्मदाह प्रयास प्रकरणमा के भन्छ परिवार ?

काठमाडौंको बुद्धनगरमा शनिबार बिहान आत्मदाहको प्रयास गरेका ४५ वर्षीय अश्विन राउतको वीर अस्पतालमा उपचार भइरहेको छ। परिवारका सदस्यले घटनालाई पारिवारिक विवादसँग जोडेर गरिएका समाचार तथ्यहीन रहेको भन्दै संयमता अपनाउन सञ्चारमाध्यमसँग आग्रह गरेका छन्।

परिवारका अनुसार शनिबार बिहान करिब ६ बजे आफ्नै घरमा घटना भएको हो। राउतकी श्रीमती श्राद्धको तयारीका क्रममा नुहाउन गएकी बेला राउतले स्कुटरबाट पेट्रोल निकालेर शरीरमा खन्याई आगो लगाएका थिए।