गोसाइँकुण्डको मेरो पहिलो सोलो ट्रेकिङ

जीवनमा के सोचिरहेको छु, के भइरहेको छ, केही थाहा भइरहेको छैन! जे गरिरहेछु, के त्यो नै मेरो वास्तविक जीवन हो? के त्यो नै मेरो बन्नुको वास्तविकता या भ्रम हो?

जुन भ्रमको भूमिकामा सिङ्गो समाज या सभ्यता नै भौंतारिरहेको छ! हामी प्रायः समाजले कोरिरहेको एउटा निश्चित खाकामा बाँचिरहेका हुन्छौँ—पढ्ने, जागिर खाने, जिम्मेवारी निभाउने र एउटा स्थापित प्रणालीको हिस्सा बन्ने। यो सामाजिक 'सभ्यता' को एउटा पाटो हो, जसमा सिङ्गो समाज नै भौँतारिरहेको छ। के यो मेरो वास्तविकता हो? म के हुँ? मेरो गन्तव्य के हो!? यी तथा यस्ता प्रश्नहरूका छालले हो कि चर्किलो मधेसको गर्मीले हो, मलाई निथ्रुक्क भिजाइरहेको थियो! उत्तरको सही उत्तर खोज्न, तर पाइनँ!