इङ्गल्याण्डका स्टार ब्याटर मलान चितवनमा

चितवन। अन्तर्राष्ट्रिय क्रिकेटका तिनै ढाँचा (‘टी–२०’, ‘एकदिवसीय’ र ‘टेस्ट’) मा शतक प्रहार गरिसकेका इङ्गल्याण्डका चर्चित क्रिकेटर डेभिड मलान नेपाल प्रिमियर लिग (एनपीएल) को तेस्रो संस्करणमा चितवन राइनोजबाट खेल्ने भएका छन्।

एनपीएलअन्तर्गत आज हुने चितवन राइनोज र विराटनगर किङ्ग्सबीचको खेलअघि चितवन राइनोजले आक्रामक तथा स्थिर ब्याटिङका लागि सुपरिचित मलानलाई पुनः टोलीमा भित्र्याएको निर्देशक प्रताप देवकोटाले जानकारी दिएका छन्। मलानले एनपीएलको गत संस्करणमा पनि चितवन राइनोजबाट खेलेका थिए।