भारतमा ह्वाट्सएप र टेलिग्राम चलाउन फोनमा सिमकार्ड अनिवार्य गरिँदै

काठमाडौं । भारतमा ह्वाट्सएप, टेलिग्रामलगायतका मेसेजिङ एप प्रयोग गर्ने तरिका परिवर्तन हुने भएको छ । भारतीय दूरसञ्चार विभागले सिम बाइन्डिङसम्बन्धी नयाँ व्यवस्था लागू गर्न लागेसँगै अब सम्बन्धित मोबाइल नम्बरको सिमकार्ड फोनमा नराखी इन्टरनेटका माध्यमबाट मात्रै यस्ता एप चलाउन नपाइने भएको हो ।

नयाँ व्यवस्थाअनुसार प्रयोगकर्ताले मेसेजिङ एपमा दर्ता गरेको मोबाइल नम्बरसँग सम्बन्धित सक्रिय सिमकार्ड सोही डिभाइसमा राख्नुपर्नेछ । भारतमा यो नियम कार्यान्वयनका लागि सन् २०२६ डिसेम्बर ३१ सम्मको समयसीमा तोकिएको छ । त्यसपछि सन् २०२७ जनवरी १ देखि यो व्यवस्था लागू हुने जनाइएको छ ।