प्रेस स्वतन्त्रता र मिडियामाथिको आर्थिक नाकाबन्दीविरुद्ध दोलखाका पत्रकारहरू आन्दोलित, जिल्ला प्रशासन कार्यालयमा धर्ना

दोलखा । सरकारले निजी तथा सामुदायिक सञ्चारमाध्यमहरूलाई विभेद गर्ने गरी ल्याएको विज्ञापन नीति र प्रेस स्वतन्त्रता विरोधी गतिविधिको विरोधमा नेपाल पत्रकार महासंघ जिल्ला शाखा दोलखाले आज जिल्ला प्रशासन कार्यालय दोलखा अगाडि एक घण्टा दबाबमूलक धर्ना दिएको छ।

नेपाल पत्रकार महासंघ केन्द्रीय समितिको घोषित देशव्यापी आन्दोलनको कार्यक्रम अनुसार दोलखाका पत्रकारहरूले आज बिहान ११ बजेदेखि १२ बजेसम्म ब्यानर सहित धर्ना दिएका हुन्।