टिकट एउटा पार्टीबाट, उम्मेदवारी अर्कैबाट

काठमाडौं । ४ मंसिरमा हुन गइरहेको प्रतिनिधिसभा र प्रदेशसभा निर्वाचनमा टिकट पाएका केही उम्मेदवारले भने टिकट पाइसकेपछि आफ्नै दललाई ‘धोका’ दिएका छन् । यसरी धोका दिनेको सूचीमा एमाले स्थायी कमिटी सदस्य प्रभु साह र जनता समाजवादी पार्टी (जसपा) का सहसराम यादव छन् । उनीहरूको धोकाकै कारण दुवै दलले अर्का उम्मेदवार उठाउन पनि पाएनन् ।

एमालेबाट रौतहट निर्वाचन क्षेत्र नम्बर–३ को टिकट पाएका प्रभु साहले उम्मेदवारी भने सो पार्टीबाट नदिई स्वतन्त्रबाट दिए । जसपासँग गठबन्धन गरेकाले एमाले अपवित्र भएको भन्दै उनले स्वतन्त्र उम्मेदवारी दर्ता गराएका हुन् । उनले जसपामाथि विभिन्न आरोपसमेत लगाएका छन् ।