दलाई लामासँग धर्मशालामा भेटेर थिम्पु हुँदै काठमाडौं

अमेरिकी कंग्रेसको वेज एण्ड मिन्स समितिका अध्यक्ष तथा सांसद जेसन स्मिथको नेतृत्वमा गत सप्ताहन्तमा आएको १६ सदस्यीय अमेरिकी प्रतिनिधिमण्डलको नेपाल भ्रमणले कूटनीतिक वृत्त र दक्षिण एसियाको भूराजनीतिमा चासो बढाएको छ । भारतको हिमाचल प्रदेशस्थित धर्मशालामा १४औँ दलाई लामासँग भेटवार्ता,त्यसपछि भुटान यात्रा र नेपाल आगमनसँगै काठमाडौंका प्रमुख बौद्ध तथा ऐतिहासिक सम्पदास्थलको अवलोकन, चितवन राष्ट्रिय निकुञ्जको भ्रमणले उक्त टोलीको यात्रालाई थप चासोको विषय बनाएको छ ।