स्मार्ट टेलिकम प्रकरण : एनसेलको भूमिका शंकास्पद

स्मार्ट टेलिकम प्रालिको सम्पत्ति लिलामी प्रकरणको अनुसन्धान दूरसञ्चार सेवाप्रदायक कम्पनी एनसेलतर्फ केन्द्रित भएको छ। नेपाल प्रहरीको केन्द्रीय अनुसन्धान ब्युरो (सीआईबी)ले स्मार्टको सम्पत्ति लिलामी प्रक्रियामा गैरकानुनी गतिविधि भएको आशंकासहित एनसेलविरुद्ध अनुसन्धान सुरु गरेको हो।

यस क्रममा ३१ वैशाखमा सीआईबीले ललितपुरको नख्खुस्थित एनसेलको केन्द्रीय कार्यालयबाट कागजात मागेको थियो। ब्युरोका अनुसार स्मार्ट टेलिकमको सम्पत्ति लिलाम प्रकरणमा एनसेलको संलग्नता शंकास्पद रहेकाले अनुसन्धान गर्नुपरेको हो।