होल्डिङ सेन्टर पुगेका माजिद अन्सारीसहित तीन जेनजी अभियन्ता पक्राउ

काठमाडौँको कीर्तिपुरस्थित होल्डिङ सेन्टर पुगेका जेनजी अभियन्ता माजिद अन्सारीसहित तीन जना पक्राउ परेका छन्।

शनिबार होल्डिङ सेन्टरबाट अन्सारीसहित जेनजी अभियन्ता नहेन्द्र खड्का र सरिश्मा थापालाई नियन्त्रणमा लिएको जिल्ला प्रहरी परिसर, काठमाडौँका प्रवक्ता एसपी पवन भट्टराईले बताए। होल्डिङ सेन्टरमा गएर होहल्ला गरेकाले उनीहरूलाई नियन्त्रणमा लिएको प्रवक्ता भट्टराईको भनाइ छ।