ऊनको स्वीटर’को सिक्वेल ‘कलेजी–ऊनको स्वीटर’को छायांकन सुरु, पीयूष मिश्रा पनि देखिने

काठमाडौं – नेपाली फिल्म ‘ऊनको स्वीटर’ ले दर्शकमाझ छोडेका कथा, पात्र र भावनालाई फेरि पर्दामा ल्याउने तयारी गरिएको छ ।

फिल्मको सिक्वेल ‘कलेजी–ऊनको स्वीटर’को छायांकन भारतको सिक्किमस्थित सुन्दर युमथाङ उपत्यकाबाट सुरु भएको छ । निर्देशक नवीन चौहानले स्थानीय लामा गुरुहरूको मन्त्र उच्चारणसहित शुभमुहूर्त गरेर फिल्मको छायांकन थालनी गरेका हुन् ।