सार्वजनिक खरिदमा फेरिँदो अभ्यास

सार्वजनिक खरिद राज्यकोषको रकम खर्च गर्ने वा प्रशासनिक औपचारिकता पूरा गर्ने माध्यम मात्र होइन। यो मुलुकको अर्थतन्त्रलाई गतिशील बनाउने र पूर्वाधार विकासको राष्ट्रिय संकल्प साकार पार्ने महत्त्वपूर्ण रणनीतिक औजार हो। नेपालजस्तो विकासोन्मुख राष्ट्रको कुल बजेट र पुँजीगत खर्चको ठूलो हिस्सा यही प्रणालीमार्फत बजारमा प्रवाहित हुन्छ। त्यसैले यसको सीधा सम्बन्ध नागरिकको जीवनस्तर र मुलुकको आर्थिक वृद्धिसँग जोडिन्छ। राज्यले स्वास्थ्य, शिक्षा, यातायात र सञ्चारजस्ता आधारभूत क्षेत्रमा गर्ने लगानीको न्यायोचित वितरण खरिद संयन्त्रको सबलतामा निर्भर हुन्छ। यो प्रणाली पारदर्शी र जनमुखी बनाउन नसकिएसम्म समृद्धिको लक्ष्य अधुरै रहन्छ। त्यसैले सार्वजनिक खरिदलाई केवल आर्थिक कारोबारका रूपमा नभई राष्ट्र निर्माणको महत्त्वपूर्ण आधारका रूपमा बुझ्नुपर्छ।

विगतमा नेपालको सार्वजनिक खरिद प्रणाली नतिजामुखी हुनुभन्दा प्रक्रियामुखी र कागजी औपचारिकतामा बढी केन्द्रित रह्यो।