धनगढीमा तीन विधामा निःशुल्क सीपमूलक तालिम दिइँदै

धनगढी । कैलालीको धनगढी उपमहानगरपालिकाले बेरोजगार युवालाई सीप सिकाएर रोजगारीसँग जोड्ने उद्देश्यले तीन विधामा निःशुल्क आवासीय सीपमूलक तालिम सञ्चालन गर्ने भएको छ ।

नेपाल युथ फाउन्डेसनको सहकार्यमा धनगढी भोकेसनल स्कुलमा सञ्चालन हुने तालिममा सहायक प्लम्बर, बिल्डिङ इलेक्ट्रिसियन र सहायक वेल्डर विषय समावेश छन् । प्रत्येक विधामा २५ जनाका दरले ७५ जनालाई तालिम प्रदान गरिनेछ ।