विनाशकारी बाढी आएको दुई महिना पूरा, पुनर्निर्माणको खाका ल्याउन किन अझै अलमल

तिब्बत हुँदै भोटेकोशी र तल त्रिशूली नदीमा जनधनको ठूलो विनाश हुने गरी आएको विनाशकारी बाढी आएको दुई महिना बितिसकेको छ। तर सरकारले पुनर्निर्माणको स्पष्ट खाका सार्वजनिक गर्न नसकेको भन्दै कतिपयले आलोचना गर्न थालेका छन्।

बाढीपछि अस्थायी आश्रयस्थल वा त्रिपालमुनि बस्न बाध्य भएका हजारौँ मानिसले पुनर्निर्माण र पुनर्वासको स्पष्ट योजना नआउँदा अन्योल र निराशा बढ्न थालेको बताएका हुन्।