जेनजी अभियन्तामाथि भएको कुटपिट र धरपकडप्रति प्रलोपाको आपत्ति

काठमाडौँ । प्रगतिशील लोकतान्त्रिक पार्टीले कीर्तिपुरस्थित राधास्वामी होल्डिङ सेन्टरमा सुकुमबासीहरूको अवस्था बुझ्न पुगेका जेनजी अभियन्तामाथि प्रहरीले गरेको कुटपिट तथा धरपकडप्रति गम्भीर चिन्ता व्यक्त गरेको छ ।

पार्टीका केन्द्रीय प्रचार विभाग प्रमुख रजमान तामाङद्वारा जारी विज्ञप्तिमा माजिद अन्सारी, मोनिका निरौला, रिया बानियाँ र सरिस्मा थापामाथि प्रहरीले कुटपिट तथा धरपकड गरेको उल्लेख गर्दै उक्त घटनामा माजिद अन्सारी घाइते भएको खबरले पार्टी स्तब्ध भएको जनाइएको छ ।