रसुवा बाढीको ८२ करोड १३ लाख रुपैयाँ बराबरको बिमा दाबी भुक्तानी

काठमाडौं । गत भदौ १० गते भोटेकोशी नदीमा आएको बाढीबाट क्षति पुगेका बिमितलाई बिमा कम्पनीहरुले ८२ करोड १३ लाख रुपैयाँ बराबरको दाबी भुक्तानी गरेका छन् ।

नेपाल बिमा प्राधिकरणको असोज १० गतेसम्मको तथ्यांकअनुसार उक्त बाढीबाट २० अर्ब ९० करोड रुपैयाँ बराबरको बिमा दाबी परेको थियो । जसमा बिमा कम्पनीहरूले ८२ करोड १३ लाख रुपैयाँ दाबी भुक्तानी दिएका हुन् जुन रकम अग्रिम भुक्तानीसहित रहेको छ ।