चितवन मेडिकल कलेजको स्वामित्वको चितवन राइनोजको सनसनीपूर्ण जित

काठमाडौं- नेपाल प्रिमियर लिग (एनपीएल) मा चितवन राइनोजले सनसनीपूर्ण जित निकालेको छ। डाविड मलानको अर्धशतक र कमलसिंह ऐरीको उत्कृष्ट बलिङको मद्दतमा चितवनले विराटनगर किंग्सलाई ८ रनले पराजित गरेको हो।

त्रिवि क्रिकेट मैदानमा चितवनले दिएको १५८ रनको लक्ष्य पछ्याएको विराटनगर १९.३ ओभरमा १४९ रनमा अलआउट भयो। जितसँगै चितवनले प्रतियोगितामा महत्त्वपूर्ण सफलता हात पारेको छ।