राजस्थानको विष्फोटक व्याटिङले गुजरातलाई झट्का, सूर्यवंशीले गरे चमत्कार

काठमाडौं । प्लेअफको दौडमा रहेको गुजरात टाइटन्स अन्ततः पराजित भएको छ । राजस्थान रोयल्सविरुद्ध २ सय १० रनको चुनौति पेश गरेको गुजरात ८ विकेटले पराजित भएको हो । जयपुरमा भएको ४७ औँ खेलमा टस हारेर पहिले ब्याटिङ गरेको गुजरातले निर्धारित २० ओभरमा ४ विकेटको क्षतिमा २ सय ९ रन बनाएकोमा राजस्थानले १५ ओभर ५ बलमा जम्मा २ विकेट गुमाउँदै २१२ रन बनायो ।

राजस्थानलाई शानदार जित दिलाउन वैभव सूर्यवंशीले शतकीय पाली खेले । आईपीएल इतिहासमा उनले शानदार पाली खेल्ने क्रममा जम्मा ३८ बलमा ५९ मेडन राख्दै ११ छक्का र ४ चौका प्रहार गर्दै १०१ रन बनाए । ओपन यशस्वी जयसवालले अविजित ७० रनको योगदान दिए ।