अमेरिकी संसदमा प्रभाव जमाउनका लागि क्रिप्टो उद्योगद्वारा मध्यावधि निर्वाचनमा १७ करोड ६० लाख डलर खर्च

एजेन्सी । अमेरिकी संसद् (कंग्रेस) मा आफ्नो प्रभाव विस्तार गर्न र दीर्घकालीन रूपमा आफूअनुकूल कानुन निर्माण गराउन क्रिप्टोकरेन्सी उद्योगले चालु मध्यावधि निर्वाचन चक्रमा १७ करोड ६० लाख अमेरिकी डलरभन्दा बढी खर्च गरेको छ ।

राष्ट्रपति डोनल्ड ट्रम्पको कार्यकाल सकिएपछि पनि संसदमा आफ्ना पक्षधर सांसदहरूको बलियो दुईदलीय गठबन्धन कायम राख्ने रणनीतिका साथ उद्योगले १०० भन्दा बढी चुनावी प्रतिस्पर्धामा यो विशाल रकम खन्याएको हो ।