चौँरीको पुच्छरसहित एक जना पक्राउ

किमाथांका। मकालु गाउँपालिका-३ हेदाङ्नामा भन्सार छली ल्याएको पाँच लाख ५० हजार रुपैयाँ मूल्य बराबरको ३६८ वटा चौँरीको पुच्छरसहित एक ट्याक्टर प्रहरीले नियन्त्रणमा लिएको छ।

जिल्ला प्रहरी कार्यायल सङ्खुवासभाका प्रहरी निरीक्षक धनबहादुर राजवंशीले उत्तरी क्षेत्रको किमाथांका नाकाबाट अवैध रुपमा भन्सार छलेर ल्याइएका चौँरीको पुच्छरसहित ट्याक्टर नियन्त्रणमा लिएको जानकारी दिए।