हमासको आततायी आक्रमणमा १० नेपालीको मृत्यु

काठमाडौं । इजरायलमा प्यालेस्टिनी लडाकु समूह ‘हमास’को आततायी आक्रमणमा परी १० जना नेपालीको मृत्यु भएको छ । इजरायलका लागि नेपाली राजदूत कान्ता रिजालले घटनामा परी १० नेपालीको मृत्यु भएको पुष्टि गर्नुभएको छ । उक्त आक्रमणमा परी २ जना नेपाली घाइते भएका छन् भने एक जना सम्पर्कविहीन रहेको बताइएको छ ।

इजरायलस्थित नेपाली दूतावासका अनुसार सो घटनामा मृत्यु हुनेहरूमा कैलालीका नारायणप्रसाद न्यौपाने, बझाङका गणेशकुमार नेपालीलगायत रहेका छन् । त्यसै गरी सल्यानका प्रमोद केसी र कैलालीका वीरेन्द्र चौधरी पुलिसको सुरक्षामा रहेको बताइएको छ् । खुट्टामा चोट लागेका सल्यानका विधान सेजवाल र दाङका प्रवीन डाँगी अस्पतालमा उपचाररत् रहेको बताइएको छ ।