एनआईसी एशिया बैंकले ग्राहकलाई भन्यो- 'खातामा प्यान र ईमेल तुरुन्त अद्यावधिक गर्नुहोस्'

काठमाडौं । एनआईसी एशिया बैंकले आफ्ना ग्राहकलाई बैंक खातामा स्थायी लेखा नम्बर (प्यान) र ईमेल ठेगाना अद्यावधिक गर्न आग्रह गरेको छ । बैंकले करसम्बन्धी विवरणलाई डिजिटल प्रणालीसँग आबद्ध गर्न तथा ग्राहकलाई सेवा प्रवाह थप सहज बनाउन यस्तो अनुरोध गरेको जनाएको छ ।

बैंकका अनुसार निक्षेपमा प्राप्त हुने ब्याजबाट कट्टी गरिएको करको विवरण नेपाल सरकारको ई-टीडीएस (E-TDS) प्रणालीमा प्रविष्ट गर्न ग्राहकको प्यान अनिवार्य हुन्छ। प्यान अद्यावधिक भएपछि करकट्टीको विवरण सम्बन्धित प्यानमा स्वतः समावेश हुने र आयकर प्रणालीले त्यसलाई अनुसूची १० मा मिलान गर्ने व्यवस्था रहेको बैंकले जनाएको छ ।