कालीगण्डकी कोरिडोरमा व्यापारिक चहलपहल

कोरला नाका सञ्चालनमा आएपछि चिनियाँ सामानको आयात बढ्नु र दसैँ–तिहारको बिदामा मुस्ताङ घुम्न जाने आन्तरिक तथा बाह्य पर्यटकको चहलपहल बढेसँगै कालीगण्डकी कोरिडोरमा व्यापारिक गतिविधि बढ्न थालेको छ ।

कोरला नाका सञ्चालनमा आएसँगै मुस्ताङ हुँदै चीनबाट हुने व्यापारिक गतिविधि बढेको छ । गत भदौं १० गतेको भोटेकोशी नदीमा आएको विनाशकारी वाढीले रसुवागढी नाका क्षतिग्रस्त भएपछि कालीगण्डकी कोरिडोरको मालढुङ्गा–बेनी–जोमसोम–कोरला सडकमा मालवाहक सवारीको चाप बढेको छ । यसले सडक छेउछाउमा रहेका बजारको आर्थिक गतिविधिलाई चलायमान बनाएको छ ।