ला लिगामा रियल बेटिसको लगातार दोस्रो जित, आज मड्रिड र सोसिडाड भिड्दै

स्पेनिस ला लिगाको नयाँ सिजनमा रियल बेटिसले लगातार दोस्रो जित हासिल गरेको छ। गएराति सम्पन्न खेलमा बेटिसले भ्यालेन्सियालाई १–० गोलले पराजित गरेको हो।

मेस्टायामा भएको प्रतिस्पर्धात्मक खेलमा दुवै टोलीले गोल गर्न निकै कोसिस गरे पनि अन्तिम समयमा मात्र गोल सम्भव भएको थियो। खेल सकिन केही मिनेट बाँकी रहँदा पाब्लो गार्सियाले गोल गर्दै बेटिसलाई महत्वपूर्ण तीन अंक दिलाए।