नेपाली कालियदमनको कान्ति

राजा प्रताप मल्लले कतै भेटेर हनुमानढोका दरबारको भित्री चोकमा स्थापना गरेका सातौं वा आठौं शताब्दीको उठानमा निर्मित कालियद‌मनको यति सुन्दर मूर्ति दक्षिणएशियामै अन्त कतै छैन।

मल्लकालमा बनेका काठमाडौं उपत्यकाका अरू राजदरबार जस्तै हनुमानढोका दरबार पनि नेपाली प्राचीन वास्तुकलाको अनुसरण गरी बनेको छ। चोकभित्र फेरि अर्काे चोक भएर जानुपर्ने गरी बनाइएका संरचना यस वास्तुकलाको विशेषता हुन्। उपत्यकाका विहारहरू मात्रै होइन, नेवारहरूका प्राचीन बस्ती पनि यही शैलीमा बनेका छन्।