युक्रेन युद्ध अन्त्यका लागि नर्डिक नेताहरूद्वारा पुटिनसँग दुर्लभ टेलिफोन वार्ता, पश्चिमी नीति तोडियो

काठमाडौं । युक्रेनमा जारी युद्ध अन्त्य गर्नका लागि फिनल्यान्ड र नर्वेका शीर्ष नेताहरूले रुसी राष्ट्रपति भ्लादिमिर पुटिनसँग दुर्लभ टेलिफोन वार्ता गरेका छन्। पश्चिमी युरोपेली नेताहरूले क्रेमलिनसँग प्रत्यक्ष सम्पर्क नगर्ने लामो समयदेखिको अभ्यासलाई तोड्दै यो वार्ता भएको हो ।

फिनल्यान्डका राष्ट्रपति अलेक्ज्यान्डर स्टब र नर्वेका प्रधानमन्त्री जोनास गाहर स्टोरले अमेरिकी राष्ट्रपति डोनाल्ड ट्रम्पको रुसप्रतिको नीतिका कारण युक्रेनसँगको अमेरिकी सम्बन्ध १८ महिनायताकै तल्लो विन्दुमा पुगेको समयमा कूटनीतिक प्रक्रियामा प्रभाव पार्न यो पहल गरेका हुन् ।