हिउँदभन्दा वर्षायाममा बिजुलीको महसुल सस्तो बनाउने तयारी, भ्याटको भार उपभोक्तामा नपर्ने

काठमाडौं । सरकारले वर्षायाम र सुख्खायामका लागि छुट्टाछुट्टै विद्युत् महसुल दर लागू गर्ने तयारी थालेको छ । बिजुलीमा भ्याट लगाएको भन्दै आलोचना भइरहेको समयमा सरकारले त्यसको भार उपभोक्तासम्म नपर्नेगरी वर्षा र सुख्खायामका लागि अलगअलग विद्युत् महसुल दर कायम गर्ने तयारी थालेको हो ।

खासगरी, आगामी आर्थिक वर्ष २०८३/८४ को बजेटमार्फत बिजुलीमा ५ प्रतिशत कर लगाउने व्यवस्था गरेपछि सरकारको चर्को आलोचना भइरहेको छ । बिजुली उपभोग गर्न प्रोत्साहन गर्नुपर्नेमा उल्टो भ्याट लगाएर न्यून आय भएका वर्गमाथि आर्थिक भार थप्ने काम भएको भन्दै आलोचना भएपछि स्वयं अर्थमन्त्री डा. स्वर्णिम वाग्लेले सार्वजनिक मञ्चहरुमा प्रष्टिकरण दिँदै हिँडिरहेका छन् ।