कर्णाली राजमार्गमा चालक लक्षित लापसे/मापसे चेकजाँच

कर्णाली राजमार्गअन्तर्गत दैलेखको गुराँस गाउँपालिका–२ स्थित स्याउली बजारमा सवारी दुर्घटना न्यूनीकरण गर्ने उद्देश्यले चालक लक्षित लापसे/मापसे चेकजाँच गरिएको छ।

जिल्ला प्रहरी कार्यालय दैलेख, जिल्ला ट्राफिक प्रहरी कार्यालय दैलेख, स्थानीय जनप्रतिनिधि तथा सरोकारवालाहरूको सहभागितामा मंगलबार सवारी चालकहरूको लापसे (लागुऔषध सेवन) तथा मापसे (मादक पदार्थ सेवन) सम्बन्धी चेकजाँच गरिएको हो। कर्णाली राजमार्गमा पछिल्लो समय सवारी दुर्घटनाको जोखिम बढ्दै गएको अवस्थामा चालकहरूलाई जिम्मेवार र सचेत बनाउँदै दुर्घटना न्यूनीकरण गर्ने उद्देश्यले अभियान सञ्चालन गरिएको जिल्ला ट्राफिक प्रहरी कार्यालय दैलेखका प्रमुख जयसिंह गुरुले जानकारी दिए।