भन्सार एजेन्टको समस्या समाधान गर्न आग्रह

काठमाडौँ । भन्सार एजेन्टहरूले आफूहरूको समस्याको दीर्घकालीन समाधानका लागि आग्रह गरेका छन् । नेपाल भन्सार एजेन्ट संघ काठमाडौँको १३औं वार्षिक साधारण सभामा सरोकारवालाबाट यस्तो आग्रह गरिएको हो ।

वार्षिक साधारण सभाका सभाध्यक्ष गौतम भट्टले भन्सार जाँच पासका तथा कार्य सम्पादनका क्रममा भन्सार एजेन्टले भोग्नु परेका समस्याको दीर्घकालीन समाधानका लागि पहल गरिदिन सरकारलाई अनुरोध गरे। उनले गैरव्यक्तिको सहज प्रवेशले भन्सार एजेन्टले काम नपाइरहेको अवस्थालाई मध्यनजर गर्दै भन्सार एजेन्ट मार्फत मात्र कार्य गर्ने वातावरण हुनु पर्नेमा जोड दिए ।