असन्तुष्ट पक्षलाई विश्वप्रकाशको सुझाव : संवादमार्फत समाधान खोजौं

काठमाडौं । नेपाली कांग्रेसका उपसभापति विश्वप्रकाश शर्माले पार्टीको १५औं महाधिवेशनको जारी प्रक्रिया रोक्न सर्वोच्च अदालतबाट अन्तरिम आदेश जारी हुने सम्भावना नरहेको दाबी गरेका छन्। उनले असन्तुष्ट पक्षलाई अदालतको प्रक्रियासँगै संवाद र सहमतिका माध्यमबाट समाधान खोज्न आग्रह गरेका छन्।

बुधबार सामाजिक सञ्जालमार्फत भिडियो सन्देश जारी गर्दै शर्माले महाधिवेशन प्रक्रिया रोक्न अन्तरिम आदेश जारी गर्नुपर्ने अवस्था नरहेको तर्क प्रस्तुत गरे। उनका अनुसार महाधिवेशनको मिति अदालतको फैसलाको पुनरावलोकनका लागि निस्सा प्राप्त भएपछि तय गरिएको होइन।