वैदेशिक रोजगारीमा हुने ठगी न्यूनीकरणमा पहल

काठमाडौँ, चैत ३० गते । वैदेशिक रोजगार विभागले वैदेशिक रोजगारीका नाममा हुने ठगी नियन्त्रणका लागि अनुुगमनलाई प्रभावकारी गराउन छुट्टाछुट्टै तीनवटा अनुगमन समिति गठन गरेको छ । विभागले पछिल्लो पटक वैदेशिक रोजगारीमा जाने बढेसँगै वैदेशिक रोजगारीका हरेक प्रक्रियामा हुने ठगी पनि बढेपछि यसलाई प्रभावकारी गराउन विभागले छुट्टाछुट्टै तीनवटा अनुगमन समिति गठन गरेको हो ।

विभागका निर्देशक कृष्णप्रसाद भुसालले वैदेशिक रोजगारी नाममा हुने ठगी नियन्त्रण गर्न अनुगमनलाई नियमित, व्यवस्थित बनाउन ठगी नियन्त्रण गर्ने उद्देश्यले विभागका निर्देशकहरूको संयोजकत्वमा समिति बनाएको जानकारी दिनुभयो ।