लेबनानमा 'पेजर' विष्फोट : थप १४ जनाको मृत्यु, ४५० भन्दाबढी घाइते

लेबनान । लेबनानमा पेजर विष्फोटको श्रृंखला रोकिएको छैन । लेबनानी स्वास्थ्य मन्त्रालयका अनुसार विष्फोटका कारण बुधबार कम्तीमा थप १४ जनाको ज्यान गएको छ भने ४५० जनाभन्दा धेरै घाइते भएका छन् ।

यससँगै मंगलबार र बुधबार भएको विष्फोटमा परी मृत्यु हुनेको संख्या २६ जनाको मृत्यु भइसकेको छ । हजारौँको संख्यामा घाइते छन् । मंगलबार भएको पेजर विष्फोटमा परी १२ जनाको ज्यान गएको थियो भने तीन हजारभन्दा धेरै घाइते भएका थिए । घाइतेहरूको स्थानीय अस्पतालहरूमा उपचार भइरहेको छ ।