दुई मोटरसाइकल एकापसमा ठोकिँदा दुईको मृत्यु

कुण्डा–नारायणपुर हुलाकी सडकअन्तर्गत बाँकेको राप्तीसोनारी गाउँपालिका–४ लालपुरमा आज (बुधबार) भएको मोटरसाइकल दुर्घटनामा दुई जनाको मृत्यु भएको छ।

दुर्घटनामा परी गम्भीर घाइते भएका सोही गाउँपालिकाको वडा नं-४ निवासी ३७ वर्षीय रामशरण थारु र वडा नं-३ निवासी १९ वर्षीय वसन्त थारुको उपचारका क्रममा मृत्यु भएको इलाका प्रहरी कार्यालय बैजापुरका प्रहरी नायव निरीक्षक भद्रसिंह वलीले जानकारी दिए।