पाकिस्तानको सरकारी अस्पतालमा आगलागी हुँदा १४ नवजात शिशुको मृत्यु

इस्लामाबाद : पाकिस्तानको राजधानी इस्लामाबादस्थित सरकारी अस्पताल ‘पाकिस्तान इन्स्टिच्युट अफ मेडिकल साइन्सेज’ (पिम्स) को बाल वार्डमा आगलागी हुँदा १४ जना नवजात शिशुको मृत्यु भएको छ। अस्पतालका कार्यकारी निर्देशक इमरान सिकन्दरले शिशुहरूको मृत्यु भएको पुष्टि गरेका छन्।

इस्लामाबाद जिल्ला प्रशासनका अनुसार आगलागी अस्पतालको ‘एमसिएच’ वार्डको तेस्रो तल्लामा भएको हो। घटनाको जानकारी पाउनासाथ उद्धार टोली घटनास्थलमा पुगेको थियो।