त्रिशूलीमा भीषण बाढी- नुवाकोटका तटीय क्षेत्रमा ठूलो भौतिक क्षति

त्रिशूली नदीमा आएको भीषण बाढीका कारण नुवाकोटका तटीय क्षेत्रका भौतिक संरचनाहरूमा ठूलो क्षति पुगेको छ । बाढीपछि उत्पन्न संकट व्यवस्थापन र नागरिकको सुरक्षाका लागि स्थानीय प्रशासन र सुरक्षा निकायहरू प्रभावित क्षेत्रमा सक्रिय रूपमा खटिएका छन् ।

प्रभावित क्षेत्रमा उद्धारकै क्रममा रहेका सहायक प्रजिअ कृष्णप्रसाद हुमागाईंले आफू हाल जिल्लाको ‘कृष्ण ढुङ्गा’ (कृष्णढुङ्गा) क्षेत्रमा खटिएर उद्धार कार्यको नेतृत्व गरिरहेको जानकारी दिए ।