भूकम्प गएको केही समयमै भोटेकोशीमा बाढी

बुधबार बिहान नेपाल-चीन सीमामा ४.४ म्याग्निच्युडको भूकम्प गएको केही समयमै रसुवातर्फ तिब्बतबाट भोटेकोशी नदीमा ठुलो बाढी प्रवेश गरेको देखिएको छ।

अमेरिकी भूगर्भ सर्वेक्षण (यूएसजीएस) का अनुसार बिहान ८:३७ बजे गएको भूकम्पको केन्द्र कोदारीबाट ७७ किलोमिटर उत्तर-उत्तरपश्चिममा रहेको थियो। भूकम्प १० किलोमिटर गहिराइमा गएको थियो। भूकम्प र त्यसपछि आएको बाढीबिच प्रत्यक्ष सम्बन्ध रहेको पुष्टि भने भएको छैन।