‘गौँथली’ अमेरिकामा पनि प्रदर्शन हुने

काठमाडौँ । १ साउनबाट प्रदर्शनको तयारीमा रहेको फिल्म ‘गौँथली’ अमेरिकामा पनि प्रदर्शन हुने भएको छ । सेभेन सिस इन्टरनेसनल फिल्मसले ‘गौँथली’को अमेरिका राइट्स खरिद् गरेको हो ।

‘गौँथली’का तर्फबाट निर्देशक कपिल रिजाल, कलाकार अरुण क्षेत्री, निर्माता सुमन गिरी तथा सेभेन सिस इन्टरनेसनल फिल्मसका तर्फबाट रोशन सुबेदीबिच खरिद बिक्रीको कागजी सम्झौता भएको छ । उपयुक्त समय मिलाएर फिल्म अमेरिकामा प्रदर्शन गर्ने सेभेन सिसले जनाएको छ ।