सरकारको व्यवहार र गृहमन्त्रीको शैलीमा अड्कियो ‘चुनावी वातावरण’

काठमाडौं : प्रधानमन्त्री सुशीला कार्कीले फागुन २१ गते हुने प्रतिनिधिसभा निर्वाचन ‘भयरहित र निष्पक्ष वातावरणमा सम्पन्न गराउने सरकारको पूर्ण प्रतिबद्धता’ भन्दै मंगलबार बालुवाटारमा प्रमुख राजनीतिक दलहरूसँग पहिलो पटक संवाद गरिन्। तर उक्त बैठकमा सहभागी अधिकांश नेताहरूको जोड एउटै बुँदामा थियो-गृहमन्त्री ओमप्रकाश अर्यालको व्यवहार र बोलीले सरकारको विश्वसनीयता कमजोर बनाएको छ।

‘चुनावतिर जाँदैछौं भन्ने सरकारको भाषण र व्यवहारबीच विरोधाभास देखिन्छ,’ एमाले उपमहासचिव प्रदीप ज्ञवालीको बनाई उद्धृत गर्दै बैठकमा सहभागी स्रोतले भन्यो 'गृहमन्त्री अर्यालको पछिल्ला अभिव्यक्तिहरूले दलहरूमा अविश्वास बढाएको छ। यसमा गृहमन्त्री नै बाधक देखिएका छन्।'