फूलको पर्वमा फूलकै अभाव

उदयपुर — तिहारका लागि बर्सेनि फूल खेती गर्दै आएकी उदयपुरको त्रियुगा नगरपालिका–१० बाबरीकी गोमा रोकाले लगाएको फूलबारीमा यस वर्ष फूलका थुंगा छैनन्, डाँठ मात्रै छन् । फूल खेतीकै लागि १० रोपनी जग्गा छुट्याएकी उनले यस वर्ष राम्रै फूल उत्पादन हुने सोचेकी थिइन् । तर नतिजा ठ्याक्कै उल्टो भयो ।

आफूले रोपेका फूलका बोटमा डाँठ मात्रै भएको उनले सुनाइन् । ‘पोहोर साल ६० हजारको फूल बेचेँ,’ उनले भनिन्, ‘तर यस वर्ष सबैको बारीमा फूल फूलेनन् । डाँठ मात्रै रहे ।’