लाङटाङमा स्याउ खेती परीक्षण

रसुवा । रसुवाको गोसाइँकुण्ड गाउँपालिका वडा नम्बर ४ लाङटाङ र मुण्डुमा पहिलोपटक स्याउको परीक्षण सफल भएपछि स्थानियहरूमा खुशी छाएको छ । गत पुस महिनामा रोपिएको स्याउको बिरुवा फुलेको छ । समुद्री सतहबाट ३ हजार ५ सय मिटरको उचाइमा स्याउ खेती शुरू गरिएको हो ।

स्थानीय फिन्जो तामाङले नमुना परीक्षणका लागि विभिन्न जातका स्याउ रोपेका थिए । उनका अनुसार स्याउको परीक्षण सफल भएको छ, अब पक्कै पनि राम्रो हुनेछ । उनले गत मंसिरमा नै रेड डेलिसिएस, रोयल डालिसियसर फुजी ४८ वटा स्याउका बिरुवा रोपेकोमा चार–पाँचवटा बिरुवा मरेका छन् भने प्रायजसो बिरुवा सप्रिएका छन् ।