जेनजी आन्दोलनले थलिएको अर्थतन्त्र फेरि उठ्ने बाटो

काठमाडौँ, ४ कात्तिक: कोभिड–१९ को संक्रमणपछि शिथिल बनेको अर्थतन्त्रले अघिल्लो आवमा केही समात्यो। ४।६ प्रतिशतको आर्थिक वृद्धिदरले नयाँ आशा जगाएको थियो। जलविद्युत् र पर्यटनको टेकोमा बिस्तारै तंग्रिएको अर्थतन्त्रलाई गत महिनाको जेनजी आन्दोलनले हल्लाइदिएको छ।

भ्रष्टाचार, बेरोजगारी र सरकारी दमनविरुद्ध सडकमा उत्रिएको जेनरेशन जेडको विद्रोहले अर्थतन्त्रलाई ठूलो धक्का दियो, जसले विश्व बैंकको वृद्धिदर अनुमान ५।२ प्रतिशतबाट खस्केर २।१ प्रतिशतमा झर्‍यो। र, अझ नराम्रो हुन सक्ने चेतावनी दिएको छ।