यूएन ट्रेनीसिपका लागि आवेदन खुला, स्नातक उत्तीर्णका लागि अवसर

काठमाडौं । नेपालस्थित संयुक्त राष्ट्रसंघ (यूएन) का तर्फबाट पिपुल टु पिपुल प्रालिले सामाजिक रूपमा पछाडि पारिएका समुदाय, लैङ्गिक तथा यौनिक अल्पसंख्यक र अपाङ्गता भएका व्यक्तिका लागि ११ महिने ‘यूएन ट्रेनीसिप कार्यक्रम समूह ११’ मा आवेदन खुलाएको छ । कार्यक्रममार्फत सहभागीलाई संयुक्त राष्ट्रसंघीय निकायमा काम गर्दै व्यवहारिक अनुभव हासिल गर्ने अवसर प्रदान गरिनेछ ।

यस ट्रेनीसिपमा छनोट हुने प्रशिक्षार्थीले पूर्णकालीन रूपमा विभिन्न यूएन एजेन्सीसँग आबद्ध भएर काम गर्ने, अनुभवी विज्ञबाट मार्गदर्शन प्राप्त गर्ने तथा अन्तर्राष्ट्रिय कार्य वातावरणमा आफ्नो व्यवसायिक क्षमता विकास गर्ने अवसर पाउनेछन् । यो कार्यक्रम स्थायी रोजगारीका लागि नभई कार्यस्थलमा आधारित सिकाइ र सीप विकासका लागि सञ्चालन गरिएको हो ।