थाइल्यान्डसँग पराजित हुँदा नेपाल एसिया कपमा छनोट हुन असफल

काठमाडौं : नेपाली राष्ट्रिय महिला क्रिकेट टोली एसिया कपमा छनोट हुन असफल भएको छ । एसिसी महिला प्रिमियर कप अन्तर्गत बुधबार मलेसियाको क्वालालम्पुरस्थित वायुमास ओभलमा भएको क्वार्टर फाइनल खेलमा थाइल्यान्डसँग ५६ रनले पराजित भएको हो । यो खेलमा थाइल्याण्डसँग पराजित हुँदा नेपाल एसिया कपमा छनोट हुन असफल भएको हो ।

टस जितेर पहिले ब्याटिङ गरेको थाइल्यान्डले निर्धारित २० ओभरमा चार विकेट गुमाउँदै १३० रन बनाएको थियो । थाइल्यान्डले दिएको १३१ रनको विजयी लक्ष्य पछाएको नेपालले निर्धारित २० ओभरमा सात विकेट गुमाउँदै ७४ रन मात्रै जोड्न सक्यो । नेपालको लागि ब्याटिङतर्फ रुबिना क्षेत्रीले २० रनको अविजित पारी खेलिन् । यो नै नेपालको लागि सर्वाधिक रन रहन पुग्यो ।