एघारमहिने बालक बडिमालिकामा, बडिमालिकाप्रति जनअस्था बढ्दै

बाजुरा । ‘नानातिना कोइ नजाया मालिका बिकै छ’ भन्ने उखानलाई चिर्दै जुम्ला घर भई हाल दैलेखका प्रमुख जिल्ला अधिकारी गोगनबहादुर हमाल दम्पती एघार महिनाका शिशुुसहित बडिमालिका पुुग्नुभएकोे छ । आमा सविना थापा र बुबा गोगनबहादुर हमालका साथ ११ महिनाका संयोग हमाल बडिमालिका पुुग्नुुभएको हो ।

मार्तडीदेखि उच्च हिमालको तीन दिन पैदल यात्रा हिँडेर हमाल दम्पतीले ११ महिनाका छोरालाई बोकेर बडिमालिका माताको दर्शन गरी गत बुधबार घर फर्किनुभएको हो । सिंजा गाउँपालिका–३ नराकोट निवासी हाल दैलेख जिल्लाका प्रमुख जिल्ला अधिकारी हमालका ११ महिनाका छोरा संयोग बडिमालिका पुगेको पुजारी नेत्रराज पाध्यायले बताउनुभयो ।