एसीसी महिला यू–१९ प्रिमियर कप: सिंगापुरविरुद्ध नेपालको फराकिलो जित

एसीसी महिला यू–१९ प्रिमियर कपअन्तर्गत आफ्नो दोस्रो खेलमा नेपालले सिंगापुरमाथि एकतर्फी प्रदर्शन गर्दै लगातार दोस्रो जित दर्ता गरेको छ। मलेसियामा जारी प्रतियोगितामा नेपाली टोलीले ब्याटिङ र बलिङ दुवै विभागमा उत्कृष्ट प्रदर्शन गर्दै सिंगापुरलाई १ सय ५१ रनले पराजित गरेको हो।

टस जितेर पहिले ब्याटिङ रोजेको नेपालले निर्धारित २० ओभरमा कुनै विकेट नगुमाई १ सय ९९ रनको विशाल योगफल तयार पार्यो। नेपाली ओपनर साना प्रवीण र सावित्री धामीले जितको आधार तयार पारे। दुवैले सुरुदेखि नै आक्रामक ब्याटिङ गर्दै सिंगापुरका बलरलाई दबाबमा राखे र पहिलो विकेटका लागि अविजित १ सय ९९ रनको साझेदारी गरे।